1. Hvers vegna  þarf samtök eins og SFH til að innheimta gjöld vegna notkunar hljómplatna fyrir flytjendur og  framleiðendur?
Af hagkvæmnisástæðum er rétturinn byggður á félagslegum grunni, þar sem gífurlegur kostnaður færi í það hjá hverjum og einum rétthafa að innheimta fyrir notkun verka sinna hjá öllum útvarpsstöðvum, verslunum, skemmtistöðum og öðrum opinberum stöðum sem leika tónlist af hljómplötum bein eða óbeint. Sama gerðist hjá notendum sem þyrfti að greiða hverjum og einum rétthafa sem biðu þá í hópum til að fá þóknun sína vegna opinbers flutnings. Það sparar bæði tíma og kostað að ein samtök sjái um þessa umsýslu.    

2. Hver eru í stórum dráttum rökin fyrir greiðslu SFH gjaldsins?
Eins og annars staðar kemur fram á heimasíðunni er starfsemi SFH byggð á heimildarákvæði 47. greinar höfundalaga, sem á rætur sínar að rekja til 12. greinar Rómarsáttmálans um vernd á réttindum flytjenda, hljómplötuframleiðenda o.fl.frá 1961. Í athugasemdum með greininni kom  m.a. fram að rökin fyrir sanngjörnu endurgjaldi voru af hálfu flytjenda(hljómlistarmanna, leikara og fl.) þau að notkun á hljóðritum minnkaði stórlega tekjuöflun flytjenda við að koma opinberlega fram í eigin persónu svo sem á tónleikum og í útvarpi.Hljómplatan leysti lifandi flutninginn af hólmi og sparaði útvarpsstöðvum útgjöld vegna hljómsveita,söngsveita og einleikara.

Af hálfu hljómplötuframleiðenda eru því haldið fram að þar sem hljómplatan nær til svo stórs áheyrendahóps hafi slík hlustun áhrif á sölu hljómplatna.Færra fólk kaupir plötur annar vegar af því að það hefur þegar hlustað á plötuna og fundist hún strax leiðinleg eða hins vegar fundist hún fyrst skemmtileg en vegna mikillar spilunar í útvarpi orðin leitt á henni. Einnig hefur verið bent á þá staðreynd að stærtsur hluti efnis í dagskrá tónlistarútvarpsstöðva er byggður á spilun hljómplatna með efni frá hljómplötuframleiðendum, sem þeir hafa fjármagnað framleiðslu á. Þetta sé því ódýrt útvarpsefni og eðlilegt að framleiðendur fái sanngjarna þóknun fyrir spilun efnisins í útvarpsstöðvum.

3. Hvað eiga eigendur veitingahúsa, verslana og fleiri staða sem leika t.d. tónlist af hljómplötum í húsakynnum sínum að greiða til SFH?
Bent er á gjaldskrá SFH sem birt er annars staðar á heimasíðunni. Gjaldið er yfirleitt miðað við stærð eða gestafjölda viðkomandi greiðsluaðila.

4. Hvað eiga útvarpsstöðvar að greiða til SFH?

Minni svæðisbundar útvarpsstöðvar sem reknar eru tímabundið, t.d. skólaútvörp greiða samkvæmt gjaldkrá sem birt er annars staðar á heimasíðunni. Stærri útvarpsstöðvar semja við SFH sérstaklega.